1 Cor 1:19, Isa 29:14, 1 Cor 3:19, Job 5:13, Isa 2:11-12
Ang Lumang Tipan ay nagpropesiya na sisirain ng Diyos ang lahat ng karunungan at pang-unawa. (1 Cor 1:19, Isa 29:14, 1 Cor 3:19, Job 5:13)
1 Cor 1:19 Sapagkat nasusulat, “Sisirain ko ang karunungan ng marurunong. Bibiguin ko ang pang-unawa ng mga matatalino.”
Isa 29:14 Kaya nga, tingnan ninyo, magpapatuloy akong gumawa ng kamangha-manghang bagay sa mga taong ito, kababalaghan kasunod ng isa pang kababalaghan. Ang karunungan ng kanilang matatalinong tao ay mawawala, at ang pang-unawa ng kanilang mga nakakaunawang mga tao ay maglalaho.”
1 Cor 3:19 Sapagkat ang karunungan sa mundong ito ay kamangmangan sa Diyos. Sapagkat nasusulat, “Hinuhuli niya ang marunong sa kaniyang katusuhan”.
Job 5:13 Binibitag niya ang mga matatalino sa kanilang katusuhan; ang mga plano ng matatalino ay matatapos din.
Ipinropesiya ng Lumang Tipan na sa araw ng Panginoon ang mataas ay ibababa, ang mga palalo ay susuko, at ang Panginoon lamang ang itataas. ( Isa 2:11-12 )
Isa 2:11 Ibababa ang mapagmataas na titig ng mga tao, ibabagsak ang kahambugan ng mga tao at si Yawheh lang ang itataas sa araw na iyon. 12 Dahil darating ang araw ni Yahweh ng mga hukbo laban sa bawat hambog at matatayog, at laban sa mapagmataas, at siya ay babagsak —
Isuko kay Kristo ang lahat ng sumasalungat sa kaalaman ng Diyos. (2 Cor 10:4-5)
2 Cor 10:4 Dahil ang aming sandata sa aming pakikipaglaban ay hindi makalaman. Sa halip, mayroon silang dakilang kapangyarihan para wasakin ang mga kuta. Dinadala nila sa wala ang mga maling pangangatuwiran. 5 Winawasak din namin ang bawat pagmamataas laban sa kaalaman tungkol sa Diyos. Binibihag namin ang lahat ng kaisipan para sa pagsunod kay Cristo.