Isa 2:18-21, 2 Tes 1:8-9, Pahayag 6:14-17
Sa Lumang Tipan, hiniling ni Isaias sa Diyos na huwag patawarin ang mga hindi naniniwala sa Diyos at sumasamba sa mga diyus-diyosan. ( Isa 2:8-10 )
Isa 2:8 Puno rin ng diyus-diyosan ang lupain nila; sinasamba nila ang mga inukit ng sarili nilang mga kamay, mga bagay na hinulma ng mga daliri nila. 9 Yuyuko ang mga tao at magpapatirapa ang bawat isa; huwag mo silang tanggapin. 10 Pumunta kayo sa mababatong lugar at magtago kayo sa ilalim ng lupa dahil sa pagkatakot kay Yahweh at dahil sa kaluwalhatian at karangyaan niya.
Sa Lumang Tipan, binanggit ni Isaias ang pagpuksa ng Diyos sa mga sumasamba sa mga diyus-diyosan. ( Isa 2:18-21 )
Isa 2:18 Ganap na maglalaho ang mga diyus-diyosan. 19 Pupunta ang mga tao sa mga kweba ng mga bato at mga butas ng lupa mula sa pagkatakot kay Yahweh, at mula sa kaluwalhatian ng kaniyang karangyaan kapag tumayo siya para sindakin ang mundo. 20 Sa araw na iyon, itatapon ng mga tao ang mga diyus-diyosan nila na yari sa pilak at ginto na ginawa nila para sambahin nila —itatapon nila ito sa mga mowl at paniki. 21 Pupunta ang mga tao sa mga kweba ng mga bato tungo sa siwang ng mga sira-sirang bato, mula sa pagkatakot kay Yahweh at sa kaluwalhatian ng karangyaan niya, kapag tumayo siya para sindakin ang mundo.
Sinabi ni Pablo na ang mga hindi naniniwala na si Jesus ang Kristo ay mamamatay magpakailanman. ( 2 Tesalonica 1:8-9 )
2 Tesalonica 1:8 Sa naglalagablab na apoy siya ay maghihiganti sa mga hindi kumikilala sa Diyos at sa mga hindi tumugon sa ebanghelyo ng ating Panginoong Jesus. 9 Sila ay daranas ng kaparusahan sa walang hanggang pagkawasak na malayo mula sa presensiya ng Panginoon at mula sa kaluwalhatian ng kaniyang kapangyarihan.
Sa muling pagbabalik ni Hesus sa lupa, lilipulin Niya ang mga hindi naniniwala sa Kanya bilang ang Kristo. ( Pahayag 6:14-17 )
Pahayag 6:14 Naglaho ang langit tulad ng balumbong nirolyo ng pataas. Bawat bundok at isla ay nalipat sa kanilang mga kinalalagyan. 15 Pagkatapos ang mga hari sa lupa at ang mahahalagang tao, at ang mga heneral, ang mayaman, ang makapangyarihan, at iba pa, alipin at malaya, nagtago sa mga kuweba at sa kalagitnaan ng mga bato sa kabundukan. 16 Tabunan kami! Itago mo kami mula sa mukha niya na siyang nakaupo sa trono at mula sa galit ng Kordero.” 17 Dahil darating ang dakilang araw ng kanilang poot, at sino ang makakayang tumayo?”