Marcos ohai Marcos Evangelio ome’ẽ haguã testimonio Jesús ha’eha pe Cristo, oñeprofetisava’ekue Antiguo Testamento-pe ha Ñandejára Ra’y. Opa mbaʼe oĩva Marcos Evangeliope añetehápe ojedirigi ko témape. ( Marcos 1:2-3, Marcos 1:8, Marcos 1:11, Salmos 2:7, Isaías 42:1 Ja’eporãsérõ, Jesús ha’e Cristo ha Tupã Ra’y. (Marcos 1:1)
Avei, Marcos omombe’u Juan Bautista oñeprofetisa hague Antiguo Testamento-pe omondo haĝua peteĩ tapicha ombosako’ítava tape Cristo-pe ĝuarã. (Marcos 1:2-3, Marcos 1:8)
Antiguo Testamento-pe oje’eva’ekue Cristo oñeñohẽtaha Espíritu Santo ndive ha oñehenóitaha chupe Tupã Ra’y. (Isaías 42:1, Salmos 2:7)
Juan Bautista omongarairõ guare Jesúspe, Espíritu sánto ou Jesús ári, ha Ñandejára ohenói Jesúspe Taʼýra. Upéva he’ise, Jesús ha’eha pe Cristo oñeprofetisava’ekue Antiguo Testamento-pe. (Marcos 1:9-11)